होश – गोपाल प्रसाद रिमाल 

म मानिस आफ्नो खुशीले जन्मेको होइन,

आफ्नो खुशीले मर्ने पनि होइन ।

यो ज्ञान कसलाई भएको हो साथी ?

यो संसार सपना हो,

जीवन पानीको फोका हो,

यहाँ कोही पनि आफ्ना छैनन्,

जो छन् तिमीजस्तै नै जन्मेका हुन् ।

तिमीजस्तै नै मर्ने हुन् ।

यो वैराग कसलाई भएको हो साथी ?

म सर्वसम्पन्न अर्थात् ईश्वर हुँ,

म भोगी हुँ,

म सिद्ध हुँ,

मजत्तिको अरु कोही छैन,

म मोज गर्छु ।

यस्तो मोहजाल, यस्तो प्रकारको अज्ञान

कसलाइृ भउको हो साथी ?

म मानिस न त आफ्नो खुशीले जन्मेको हुँ,

म आफ्नो खुशीले मर्ने हुं ।

यस्तो मोहजाल, यस्तो प्रकारको अज्ञान

कसलाई भएको हो साथी ?

कामी क्रोधीहरु आफ्नो मनोकामना

पूर्ण गनका लागि अन्यायपूर्वक

धन जम्मा गर्ने चेष्टा गर्छन्,

काम, क्रोध र लोभ यी तीन तमेद्वार हुन्,

यो होश कसलाई भएको हो साथी ?

म त न आफ्नो खुशीले आँखा खोल्ने हुँ,

न आफ्नो खुशीले आँखा चिम्लने हुँ, साथी !

यो होश कसलाई भएको हो साथी ?