गजल – म आपदमा तिमीसित हिँडे – प्रकाश सायमी

म आपदमा तिमीसित हिँडे

म सापटमा तिमीसित हिँडे

हिँड्नेहरु कहाँ कहाँ पुगे खै

म राहतमा तिमीसित हिँडे

नदीको वेगसरिको जवानी यो

म चाहतमा तिमीसित हिँडे

के नगद के बाँकी पिरतीमा

त्यै वापतमा तिमीसित हिँडे

घाउ दुखेसरिको पीडामा छुँ

म आहतमा तिमीसित हिँडे

गजल – आधा छ अङ्ग मेरो अर्धाङ्गिनी तिमी हौ

आधा छ अङ्ग मेरो अर्धाङ्गिनी तिमी हौ

सिन्दूर हुँ म तिम्रो सौभागिनी तिमी हौ
यो स्नेहको बिरुवा कैले पनि नसुकोस्

फूलबारीको म माली मधुमालिनी तिमी हौ
हाँसेर मोह गर्ने बोलेर दिल हर्ने

म कृष्ण हुँ कलीको तर ग्वालिनी तिमी हौ
हाम्रो अखण्ड प्रीतिको उपमा दिऊँ के

श्रीखण्डको म हाँगा हुँ, नागिनी तिमी हौ
यो प्रेमको कहानी सुन्नेहरू चर्किन्छन्

म राग हुँ उषाको औ रागिनी तिमी हौ