नेपाली कविता – साँढे गोरूले हान्न सक्छ

साँढे गोरू,
बाटामा कुप्रिएको हु्न्छ
र ट्राफिकलाई सघाउँदै हुन्छ
कहिले कन्टेनरमा थुप्रिएको हुन्छ
र हरियो झिँगा धपाउँदै हुन्छ
घामले तात्तीन्छ कहिले
हावाले बत्तीन्छ कहिले
र पनि
सत्तामा बस्नलाई
सहेजस्तो देखाउँछ
मौका मिल्नासाथ
आफ्नो जयजयगान लेखाउँछ
बाटैबाट तपाईँलाई आफूतिर तान्न सक्छ
जोगीएर हिँड्नुहोला
साँढे गोरूले हान्न सक्छ ।

आफू जान्दैन,
सिकाएको पनि मान्दैन
कुरोले देशै घिसार्छु भन्छ
कामले गाडा पनि तान्दैन
कहिले खुसीले पुच्छर कुदाउँदै हुन्छ
पलभरमै सिङ जुदाउँदै हुन्छ
चटक देखाएर तपाईँलाई
आफूतिर तान्न सक्छ
सावधान !
साँढे गोरू ठुलाको खुट्टा मसार्छ
सानालाई सीधै खाल्डामा धसार्छ
जोगीएर हिँड्नुहोला
साँढे गोरूले हान्न सक्छ ।

आफू घर बनाउँदैन,
बनेका पनि लडाउँछ
गिदीमा नाम्ले परिसक्यो
सद्देलाई पनि सढाउँछ
देश साँढे गोरूले चलेको छ
उभिनै नपाई ढलेको छ
साँढे गोरूहरू,
सिङ् तिखारेर बसेका छन्
निमुखाको भुँडिमा धसाउन
आज हाम्रै वस्तीमा पसेका छन् ।

सुन्छू हिजोआज
साँढेले
गणतन्त्रको खोल ओढेको छ
तपाईँलाई पनि खोल देखाएर तान्न सक्छ
रौसिएर नजानुहोला
साँढे गोरूले हान्न सक्छ ।

Advertisements

About भण्डारी2013

Has a reflective and idealistic types of personality. Loves to participate in Social activities. Extremely loyal by nature. Laid back unless a strongly held value is threatened and a talented writer too.
This entry was posted in Poem and tagged , , , , , , . Bookmark the permalink.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.